Эрчим хүчний зохицуулах газар хэвийн үйл ажиллагаагаа явуулах боломжтой болжээ. Тус газар нүүрсний уурхайнуудын үнэ тарифт хяналт тавихын зэрэгцээ, эрчим хүчний үнийг тогтоодог. Тиймээс ЭХЗГ-ын даргаас гадна аж ахуй нэгж, ард иргэдийн төлөөллөөс бүрдсэн таван зохицуулагчтайгаар хуралдан шийдвэр гаргадаг. Харин бүтцийн өөрчлөлт хийснээр нэг зохицуулагч дутуу байсан орон тоог саяхан нөхөж, МҮХАҮТ-аас эдийн засагч Д.Жаргалсайханыг санал болгосныг Засгийн газар  зөвшөөрчээ. Ийнхүү элэг бүтэн болсон Эрчим хүчний зохицуулах газар эхний хурлаа өнгөрсөн долоо хоногт хийж, бүтэц зохион байгуулалт, төсөв зэргээ хэлэлцсэн байна.