Зургадугаар сарын 10-наас 20 хүртэлх арав хоногийн цаг агаарын урьдчилсан мэдээллийг бүс нутгаар нь хүргэе. Баруун зүгийн нутгаар Алтай, Хангайн уулархаг нутгаар  шөнөдөө 5-10 хэм, өдөртөө 18-23 хэм, Их нууруудын хотгор, Олон нууруудын хөндий, Алтай  өвөр говиор шөнөдөө 14-19 хэм, өдөртөө 30-35 градус хүрч халах юм байна. Хугацааны дунд үеэс нутгийн зарим газраар дуу цахилгаантай, түр зуурын бороотой. Бороо орох үед салхи зарим газраар ширүүсч 18-20 м/с хүрэхийг анхааруулж байна. Төв аймгийн уулархаг нутгаар 0-5 хэм, өдөртөө 12-17 хэм, бусад нутгаар шөнөдөө 4-9 хэм, өдөртөө 17-22 хэм дулаан байх нь ээ. Долоо хоногийн дундуур ихэнх нутгаар бороотой байх юм байна. Зүүн зүгийн нутгаар Хэнтийн уулархаг нутгаар 1-6 хэм, өдөртөө 14-19 хэм, бусад нутгаар шөнөдөө 6-11 хэм, өдөртөө 21-26 хэм дулаан. Говийн нутгаар бага зэрэг сэрүүсч шөнөдөө 5-10 хэм, өдөртөө 19-24 хэм хүрэх юм байна.