Засгийн газраас ноосны урамшуулал олгох шийдвэр гаргаснаас хойш 21 аймгийн 229 сум, нийслэлийн хоёр дүүргийн нийт 33 мянга гаруй малчин иргэд хонь, тэмээний ноос бэлтгэж үндэсний үйлдвэрт тушаажээ. Засгийн газрын 30 дугаар тогтоолын дагуу 4925 тонн ноосны урамшуулалд 9.849 тэрбум төгрөгийг сумдын төрийн сангаар дамжуулан иргэдийн дансанд шилжүүлээд байгаа тухай Жижиг дунд үйлдвэрийн газраас мэдээллээ. Засгийн газраас гаргасан тогтоолын дагуу “Хонины ноос, тэмээний ноос бэлтгэж үндэсний үйлдвэрт тушаасан хоршооны гишүүн, малчинд мөнгөн урамшуулал олгох тухай” журмыг ийнхүү хэрэгжүүлж байгаа бол цаашид арьс шир, мах, сүүний урамшуулал олгохоор хэлэлцэж байгаа аж.