Нийслэлд өчигдөр үдээс хойш дуу цахилгаантай хүчтэй аадар бороо орсны улмаас Дамбадаржаа, Дарь-Эх, Бэлхэд амьдардаг зарим айл үерт өртжээ. Айлын хашаа, гэр урсч, жижиг машин хөвжээ. Түүнчлэн Дамбадаржаагаас Бэлхийн чиглэлийн зам дээр том том чулуу, шавар үерийн улмаас зөөгдөж, замаар машин, автобус явахад хүндрэл учруулсан гэнэ.
Нийслэлд өнөөдөр, маргааш ч түр зуурын усархаг бороо орох тул үерийн аюулаас сэрэмжтэй байхыг албаныхан анхааруулж байна.