Нийслэлийн Мэдээлэл технологийн газраас хэрэгжүүлсэн “Багшийн инновацийн төв”-ийн нээлт Чингэлтэй дүүргийн 39 дүгээр сургууль дээр өнөөдөр боллоо. Уг төв нь багш нар мэдлэг боловсролоо дээшлүүлэх, бусад орны мэргэжил нэгтнүүдтэй арга туршлагаа солилцох боломжийг ажлын байран дээр нь хангаснаараа давуу талтай аж. Өнөөгийн байдлаар “Багшийн инновацийн төв”-ийг тус дүүргийн 12 сургууль, Сүхбаатар дүүргийн 3 сургууль дээр байгуулсан бөгөөд ирэх жил нийслэлийн бүх сургууль ийм төвтэй болох гэнэ. Цаашлаад цэцэрлэгүүдэд ч “Багшийн хөгжлийн төв” байгуулахаар төлөвлөжээ.