Ойрын хэдэн хоног орсон борооны улмаас эвдрээд буй Офицеруудын ордны тойргийн замыг удахгүй засна хэмээн нийслэлийн Авто замын газраас мэдэгдлээ. Энэ талаар Нийслэлийн Авто замын газрын дарга Д.Од ”Нийслэлийн олонхи зам ус зайлуулах хоолойгүй баригдсан байдаг. Энэ нь замын эвдрэлийн нэг шалтгаан болдог. Баянзүрх дүүргийн Офицеруудын ордны уулзвар ч гэсэн ялгаагүй. Энэ жил Зүүн дөрвөн замаас Офицеруудын ордны чиглэлийн 4,5 км замыг иж бүрэн шинэчилнэ. Бороо хур их орж байгаагаас урсгал засвар хийгдээгүй замуудад эвдрэл их гарч байна. Удахгүй ажил нь эхэлнэ” хэмээлээ.