“100 мянган айлын орон сууц хөтөлбөр”-ийн зургаан хувийн хүүтэй зээлийг Капитал банкаар дамжуулан олгохоор болсон. Харин Засгийн газрын эл шийдвэрийн хүрээнд тус банк иргэдийн материалыг хэзээ авах талаар Зээлийн газрын дарга А.Гэрэлмаагаас тодруулахад “Одоогоор бид Сангийн яамтай гэрээгээ хийгээгүй байгаа. Хөгжлийн банкнаас асуу гэсэн. Тэгэхээр санхүүжилтийн гурвалсан гэрээ байгуулах юм байна ойлгоод байна. Энэ гэрээгээ хийчихвэл иргэдийн материалыг хүлээж авна. ОССК-аас ч гэсэн Сангийн яамтай гэрээгээ хийсэн бол иргэдийн материалыг явуулмаар байна гэсэн” гэв. Ямартай ч тус банкныхан бэлтгэл ажлаа бүрэн хангачихсан, гэрээ байгуулчихвал зээл олгоно гэж байлаа. Харин албаныхан хувьд цаг хугацааг нарийн хэлэх боломжгүй ч ирэх сарын дундуур гэхэд тус банк зээл олгож эхэлнэ байх аа гэлээ.