Үндэсний хөгжил шинэтгэлийн хороо “Соёлын аж үйлдвэр” үндэсний хөтөлбөрөө маргааш танилцуулах гэж байна. Борлуулагч бус үйлдвэрлэгч байя гэсэн зорилт тавиад буй манай улс аж үйлдвэрийн салбарыг хэрхэн хөгжүүлэх талаар нэлээн ул суурьтай судалгаа хийсэн гэнэ. Аж үйлдвэр гэхээр зөвхөн эдийн засаг бус нийгэм, соёл, экологийн асуудлыг ч бодолцох цаг ирснийг бодолцон тус хорооноос орчин үеийн үйлдвэрлэлийн техник, технологи ашиглан соёлын аж үйлдвэрийг хөгжүүлэх зорилго тавьжээ. Тэгэхдээ аялал, жуулчлал, соёл, амралт, урлаг, шоу-үйлчилгээ, тоглоомын үйлдвэрлэл, музей, бизнесийн  шинэцогцолборуудыг байгуулан соёлын аж үйлдвэрийн дэд бүтцийг хөгжүүлэх юм байна.