Шүүгчийн сонгон суралцах Улаанбаатар хот дахь сургалт эхэллээ"Ажил гүйцэтгэх, туслалцаа үзүүлэхтэй холбогдсон гэрээний эрх зүй ба иргэний хуулийн хэрэглээ” сэдэвт шүүгчийн сонгон суралцах сургалтын III ээлж өчигдөр нийслэлд эхэллээ.
Шүүхийн ерөнхий зөвлөл, Улсын дээд шүүхийн Иргэний танхим, Германы олон улсын хамтын ажиллагааны нийгэмлэгийн Эдийн засгийн тогтвортой хөгжлийн эрх зүйн орчинг баталгаажуулах төсөлтэй хамтран уг сургалтыг зохион байгуулж байгаа юм.
Шүүхийн судалгаа, мэдээлэл, сургалтын хүрээлэнгийн захирал Ц.Мандах сургалтын зорилго, онцлог, ач холбогдол, гарын авлагын талаарх мэдээллийг эхэнд нь өгөв.
Сургалтыг бэлтгэгдсэн иргэний эрх зүйн сургагч багш нар удирдан явуулах бөгөөд гурван өдөр үргэлжилнэ. Энэ удаагийн сургалтад анхан болон давж заалдах шатны шүүхийн 95 шүүгч оролцож байна.
Нийслэл дэх сургалтын дараагийн ээлж 2019 оны 10 дугаар сарын 28-30-ны өдрүүдэд үргэлжилнэ.
