Монгол Улсын Ерөнхийлөгчийн Тамгын газрын дарга З.Энхболд цаг үеийн асуудлаар мэдээлэл хийлээ.

Тэрбээр “Өнөөдөр албан ёсоор өргөдлөө өгч ажлаа өгнө. Сонгуулийн ажилдаа төвлөрөх шаардлагатай байна. Ерөнхийлөгч хүлээж авна гэж амласан учир өнөөдөртөө ажлаа өгчихнө. Ерөнхийлөгчтэй түнжин муу байгаа гэдэг худал мэдээлэл. Янз бүрийн цуурхал их байна. Гарч байгаа цуурхлууд ямар ч үндэслэлгүй. Сонгуульдаа төвлөрөх гээд ажлаа өгөх гэж байна гэж бичсэн нь л үнэн.

Миний хувьд хаанаас ч дэвшиж магадгүй. Судалгаа хийнэ. Гэхдээ Ардчилсан нам дээр ямар нэгэн албан тушаал дээр очихгүй. Нэгдүгээр сарын 1-нээс эхлээд АН-ын дарга С.Эрдэнийн орон тооны бус ахлах зөвлөх болсон байгаа. Энэ ажлаа хийнэ. Миний оронд Хөлбөмбөгийн холбооны Ерөнхий нарийн бичгийн дарга Ө.Шижир ирнэ” гэлээ.