Говь-Алтай аймагт гарсан хүн амины хэргийн талаар ЦЕГ-аас мэдээлэл хийлээ.
Мэдээллийн үеэр “Өнөөдөр өглөөний 04:20 минутын орчимд Говь-Алтай аймгийн Есөнбулаг суманд иргэн автомашиндаа нас барсан байна гэдэг дуудлага мэдээлэл Цагдаагийн байгууллагад ирсэн. Тус мэдээллийн дагуу тус аймгийн Цагдаагийн бүрэлдэхүүн хэргийн газарт ажилласан. 30 настай Б гэгч нь нас барсныг тогтоосон. Шалгалтын ажиллагаа үргэлжилж байна.
Урьдчилсан байдлаар Аймгийн Засаг дарга, удирдлагууд болон нэр бүхий хүмүүс Засаг даргын аль нэг өрөөнд согтууруулах ундаа хэрэглэсэн байж болзошгүй гэсэн нөхцөл байдалтай байна. Одоо талийгаачийн нас барсан шалтгааны нөхцөл байдлыг тодорхойлохоор Шүүх эмнэлэгт задлан шинжилгээ хийж, шинжээчийн дүгнэлт гарахыг хүлээж ажиллаж байна” гэлээ.
Зарим нэг хүмүүсийн ярьж байгаагаар бол “Шөнийн 12.20 цагийн үед талийгаачийг Засаг дарга В.Рэнцэндоржийн өрөөнөөс үүрч гарч байгаа нь харагдсан гэсэн” мэдээлэл байгаа юм.
