ОБЕГ-ын дарга Т.Бадрал "Орон нутгийн замыг шаардлагатай бол хаана. Ер нь баярын өдрүүдээр хаахаас өөр аргагүй байдалд хүрэх байх. Гэхдээ шийдвэр гараагүй байгаа" гэх мэдээллийг хэд хоногийн өмнө өгч байсан билээ.
Тэгвэл өнөөдрийн Засгийн газрын хуралдаан дээр энэ асуудал яригдсан ч эцсийн шийдвэр гараагүй байгаа аж. Өнөөдрийн хуралдааны шийдвэрийн талаар Батлан хамгаалахын сайд, Улсын онцгой комиссын дэд дарга Н.Энхболд сэтгүүлчдэд мэдээлэл өгөх үедээ “Хот хоорондын хөдөлгөөнийг хаах тухай яригдаагүй байна” хэмээсэн билээ.
Тэгвэл дөнгөж сая Зам тээврийн хөгжлийн сайд Б.Энх-Амгалан энэ талаар сэтгүүлчдэд мэдээлэл өглөө.
Тэрбээр “Хэрэгжих хугацаа нь битүүний өдрөөс эхлээд шинийн 3 хүртэл байх юм. Гэхдээ эцсийн шийдвэр буюу энэ асуудлыг баталгаажуулах уу, үгүй юу гэдгийг маргааш шийднэ. Улсын онцгой комиссын хурал маргааш болно. Хот доторх хөдөлгөөнийг бол хязгаарлахгүй” гэлээ.
