Эрүүл мэндийн яамнаас ээлжит мэдээлэл өнөөдөр өглөө өгсөн билээ. Энэ үеэр ЭМЯ-ны хэлтсийн дарга Д.Нарангэрэл нэгэн чухал мэдээлэл өгснийг уншигч танд хүргэж байна.
Тэрбээр “COVID-19”-ийн шинж тэмдэг, ойлголт, хандлага өдрөөс өдөрт өөрчлөгдөж байна. Клиникийн шинж тэмдэгт ч мөн адил өөрчлөлтүүд орж байна. Сүүлийн үед эрдэмтдийн хийсэн эмнэлзүй, клиникийн судалгаагаар өвчилсөн хүмүүсийн 30 гаруй хувь нь ямар нэгэн шинж тэмдэггүй хэлбэр байна гэж үзсэн. Шинж тэмдэггүй хэлбэр гэдэг нь бидний дунд байж байх бөгөөд ямар нэгэн хэмжээгээр өөрийгөө өвчилснийг мэдэхгүй явсаар маш их хүнд халдвараа тараадаг. Ийм шинж тэмдэггүй хүн 30, 100, 1100 хүнд халдвараа тараасан жишээнүүд бий. Ийм учраас бид хил хязгаарыг давахгүй байх, аль болох бие биетэйгээ зайнаас харилцах, олон нийтийн газраас явахгүй байх хэрэгтэй байна. Ялангуяа бага насны хүүхдээ гадуур дагуулж явахгүй байхыг зөвлөсөөр ирсэн. Иймд зөвлөмжөө дагах хэрэгтэй” гэв.
