Эрүүл мэндийн яамнаас ээлжит мэдээллээ хийлээ. Энэ үеэр ХӨСҮТ-ийн ерөнхий захирал Д.Нямхүү "2020 оны 4 дүгээр сарын 14-нд Сонгдо эмнэлэгт хоёр сэжигтэй тохиолдол илэрч, нэгийг нь Сонгдо эмнэлэгт, нөгөөг нь ХӨСҮТ-д тусгаарлаж дахин шинжилгээнд оруулсан. Түргэвчилсэн оношлуурын хариу эерэг гарсан ч, PCR шинжилгээгээр коронавирус илрээгүй. Түргэвчилсэн оношлуур эцсийн шинжилгээний хариу болохгүй гэдгийг хүн болгон анхаарах хэрэгтэй. PCR буюу лабораторийн шинжилгээ хамгийн баталгаатай хариу нь болно.

ХӨСҮТ-д байгаа 30, тандалтын 19, Дундговь аймгаас ирүүлсэн 5 сорьцод шинжилгээ хийхэд коронавирус илрээгүй.

Өнөөдрийн байдлаар ХӨСҮТ-д 245 хүн ажиглалт, тусгаарлалтад хянагдаж байна.  Тандалт, судалгаа, шинжилгээ үргэлжилж байна.  Хэвтэн эмчлүүлж байгаа хүмүүсийн биеийн байдал тогтвортой, сайн байна" гэсэн мэдээллийг өглөө.