УИХ дахь АН-ын зөвлөлийн гишүүд болон УИХ-ын гишүүн С.Жавхлан нар мэдээлэл хийлээ. УИХ-ын гишүүн С.Жавхлан "Өнөөдөр АН-ын 9 дэх гишүүн нь болж элслээ. Өнгөрсөн жилүүдэд их ганцаардаж, дуу хоолойгоо хүргэж чаддаггүй байлаа. Хичээж ажилласан ч дуу хоолой минь хүмүүст хүрээгүй учир улс төрийн шийдвэр гаргаж АН-д элслээ” хэмээсэн юм.
Харин түүний энэ шийдвэрийн талаар АН-ын дарга С.Эрдэнэ "Сонгууль дөхсөн энэ цаг үед УИХ-ын гишүүн С.Жавхлан АН-д элсэх түүхэн шийдвэр гаргасанд бид баяртай байна. Бид сонгуулийн өмнө 9 гишүүнтэй болж элэг бүтэн боллоо” гэлээ.
Энэ үеэр АН-ын дарга С.Эрдэнэ УИХ-ын гишүүн С.Жавхланд намын үндсэн дүрэм, гишүүний батлах, туг, мөрийн хөтөлбөрийг гардуулж өгсөн бол "Хонхны дуун"-ы үгийг монгол болон кирилл бичгээр бичиж жаазалсан дурсгалын зүйлийг АН-ын удирдлагуудад тэрбээр гардуулж өгсөн юм.
