1. М.Бадрах(ШШГЕГ Офицер): Г.Ихбаяр болон Д.Бат-Эрдэнэ нарыг дээд лигийг орхисноос хойш тэдний халааг авсан шилдэг холбон тоглогч . Жил ирэх тусам тоглолтын чанар ур чадвар сайжирч байгаа тэрээр өнгөрсөн улиралд оноо авалт , оновчтой дамжуулалтаар багаа тэргүүлсэн. Батбямба , Од , Пэттин нарын шилдгүүдтэй нэгдэн ээлжит аваргын төлөөх дайралтаа хийсэн ч бэртэл гэмтэл нь саад болсон билээ. Ямартай ч түүнийг Пэпси дээд лигийн нэгдүгээр багийн холбон тоглогчоор нэрлэж байна.
2.Д.Хэдли(БЗ Бүллс): Монголд анхны жилдээ тоглосон тэрээр амжилтаар дүүрэн улирлыг үдсэн бөгөөд лигийг оноо авалтаар тэргүүлсэн. Багаа аварга цолонд хүргэхэд хамгийн их үүргийг гүйцэтгэсэн . Монголд ирсэн легионер тоглогчид дундаас  хоёрдугаар дивизионд хүч үзэж байсан цорын ганц тоглогч бөгөөд нэг ёсондоо NBA-д хамгийн ойр очсон тоглогч юм . 1.98 м өндөртэй хамгаалалт сайтай цэвэр оноо түүгч тэрээр үзэгч дэмжигчдийн дуртай тоглогчдын нэг болж чадсан юм.
3.Кимарли Виллиамс(Хасын Хүлэгүүд): Улирлын МВП-гээр тодорсон тэрээр өмнөх улиралд “Ав-Атар” багт амжилт муутайхан улирлыг үдсэн хэдий ч энэ жил тун гайхалтай тоглолтыг үзүүлж Пэпси лигт өөрийн гэсэн орон зайгаа бий болгосон. Оноо авалт , самбараас бөмбөг авалт ,бөмбөг таслалт ,блок шот гээд л талбайд бүхнийг хийдэг гайхалтай универсал тоглолттой нэгэн . Гол нь уг тэгш тоглолтоо улирлын плэй оффын бүх тоглолтонд гаргасан цөөн тоглогчийн нэг . Эдгээр шалтгаан нь түүнийг 2012 оны Пэпси дээд лигийн нэгдүгээр багт нэрлэхэд хангалттай болов уу..
4.Б.Одбаяр(Харцага): Олон жилийн турш лигийн нүүр царай болж яваа нэгэн . Монголдоо будагтай талбайн мангас. Түүний тэмцэгч дайчин зан чанар тоглолтод нь эерэг нөлөө үзүүлдэг . Өнгөрсөн жилүүдэд тэрээр төвийн тоглогчийн байрлалд тоглодог байсан ч энэ жилээс М.Павлович “Харцага” багт ирсэнтэй холбогдуулан дөрвөн номер буюу хүчний довтлогчын байрлалд тоглож эхэлсэн. Тэрээр энэ улирал болон плэй оффын турш дабль дабль дунджилсан юм.
5.Дэлгэрням(Акулууд): Мөн л сүүлийн хоёр, гурван жил ур чадвар нь огцом өссөн тоглогч. Шигшээ багт хүртэл дуудагдаж олон улсын хэмжээний хэд хэдэн тоглолтод оролцсон тэрээр 2012 оны улиралд оноо авалт болон самбараас бөмбөг авалтаар Акулууд багаа төдийгүй лигийг тэргүүлсэн. Улирлын туршид тоглолт бүрт дабль дабль гүйцэтгэсэн . Хэдий баг нь Плэй Оффд шалгарч чадаагүй хэдий ч түүний хувийн үзүүлэлт нь түүнийг энэ жилийн Пэпси дээд лигийн 1р багт орох хангалттай шалтгаан болж байна.



1.Г.Баттөр(БЗ Бүлсс): Азийн ямар ч шигшээ багийн тоглогчоос дутахааргүй хурд хүч сайтай, атлетик чанартай тоглогч. Талбай дээр тун дайчин тоглолттой тэрээр өөрийгөө тоглолтод 100% зориулж чаддаг . БЗ Бүллс багаа удирдан зохион байгуулж 2012 Пэпси дээд лигийн аварга болсон нь түүнийг хоёрдугаар багт нэрлэхэд голлох нөлөө үзүүллээ.
2.Т.Санчир (Хасын Хүлэгүүд):Дунд сургуулиасаа л тодрон гарч ирсэн тэрээр тун тэгш тоглолттой нэгэн бөгөөд нэгийн эсрэг нэг тоглолтод одоогоор Монголдоо номер нэг . Өнгөрсөн улиралд Хасын хүлэгүүд багийн бүрэлдэхүүнд багтаж тоглосон түүнд энэ жил тун хүнд байсан нь гарцаагүй . Учир нь, Т.Санчир өмнө нь тоглож байсан багууддаа багийн лидерийн үүрэг гүйцэтгэдэг, бөмбөгөө удаан эзэмшиж хувийн тоглолт их хийдэг, дасгалжуулагчид нь ч түүнд ийм эрх өгдөг байлаа. Харин Шигшээ багийн найман тоглогчийг багтаасан “Хасын Хүлэгүүд” багт ирснээр түүний тоглолтын хэв маяг эрс өөрчлөгдсөн юм. Тэрээр өнгөрсөн улиралд тоглолтоо бүрэн дүүрэн гаргаж чадаагүй ч 2012 оны Пэпси дээд лигийн хоёрдугаар багт байх ёстой нэгэн гэж үзэж байна.
3.Ц.Азбаяр(БЗ Бүллс): 2012 оны улирал дууссаны дараа шигшээ багтаа дахин дуудагдсан. Лигийн гурван онооны шидэлтийн тэмцээний гурван удаагийн аварга. Шидэлтийн онч мэргэнээр Пэпси лигтээ бусдыг урдаа гишгүүлэхгүй. Улиралд төдийлэн сайн байгаагүй ч аваргын цувралд өөрийн тоглолтоо эргүүлэн авчирч багаа аварга авахад голлох хувь нэмэр оруулсан.
4.Кэн Блак(ТЛЖ-13): Хэдий баг нь плэй оффд шалгарч чадаагүй ч түүний тоглолт онцлохгүй өнгөрч болоxооргүй байлаа. Үсрэлт тэсрэлт сайтай тэрээр тоглолтон дунд халаалтан дээр ч тун гайхалтай цагирган дээрээс довтолдог бөгөөд улирлын туршид дабль дабль дунджилсан . Пэттины дээрээс довтолсон довтолгоог Монголын сагсан бөмбөг сонирхогчид хэзээ ч мартахгүй биз ээ.....
5. Марко Павлович: Серби улсын легионер тэрээр энэ жил “Харцага” багт Одбаяртай нэгдэн самбар доорх гайхалтай хослолыг бүрдүүлсэн бөгөөд улирлын туршид арваас дээш оноо, арваас дээш самбараас бөмбөг авалт дунджилсан, багтаа тун хэрэгтэй нэгэн. Уг самбарын хослол энэ жил лигтээ хамгийн шилдэг нь байсан ч аваргын төлөө хараахан тоглож чадаагүй юм. Одбаяр,Павлович хоёр бол арваас дээш оноо арваас дээш самбараас бөмбөг авалт дунджилсан лигийн цорын ганц самбарын хослол юм.