Чөлөөт бөхийн оюутны Х дахь удаагйн ДАШТ гурван төрлөөр энэ сарын 2-6-нд Финлянд улсын Куртане хотын хоёр мянган хүний суудалтай “Kuortanehalli” спортын цогцолборт болж байна. Тэмцээнд ДАШТ-нд Австри, АНУ, Болгар, Беларусь, БНХАУ, Бразил, Гүрж, Израиль, Иран, Испани, Канад, Монгол, Норвег, ОХУ, Польш, Румын, Тажик, Турк, Украин, Унгар, Финлянд, Франц, ХБНГУ, Эстони, Япон зэрэг 25 орны бөх оролцож байна.Эхний өдөр эрэгтэй 55, 60, 66, 74 кг-ийн жингийн барилдаан болж манай гурван бөх зодоглосноос 55 кг-ийн жинд спортын мастер С.Батболд хүрэл медаль хүртлээ.
Өнөөдөр эрэгтэй 84, 96, 120, эмэгтэй 48, 51 кг-ийн жингийн бөхчүүдийн барилдаан болно. Манай дөрвөн бөх дэвжээнд гарна.
2012 оны оюутны чөлөөт бөхийн ДАШТ-ий дүн
Финлянд улсын Куртане хот, аравдугаар сарын 2-6
Эрэгтэй
55 кг 1. К.Дондук-Оол /ОХУ/
2. Зачару Сандерс /АНУ/
3. Содномдашийн Батболд /Монгол/
3. Кью Мюде /БНХАУ/
Манай бөх спортын мастер С.Батболд /ҮБТДС/ нэгдүгээр тойрогт болгарын бөх Крим Чучуровтой таарч 0:1, 5:0, 1:0 онооны харьцаагаар ялж хоёрдугаар тойрогт Молдавын бөх Антолий Буряныг 1:0, 2:1 онооны харьцаагаар өвдөг шороодуулж мөнгөн медалийн төлөө барилдаанд АНУ-ын бөх Зачару Сандерстэй барилдаж 5:1, 1:1, 3:0 онооны харьцаагаар хожигджээ. Харин хүрэл медалийн төлөө Канадын бөх Стевен Такахашитэй тулж 4:0, 1:2, 3:1 онооны харьцаагаар хожжээ. Энэ жинд 11 бөх өрсөлджээ.
60 кг 1. Василь Шуптар /Украин/
2. Антони Массуда /Франц/
3. Минор Ресеп Актас /Турк/
3. Стефан Иванов /Болгар/
11. Баатархүүгийн Өсөхбаяр /Монгол/
Манай бөх спортын мастер Б.Өсөхбаяр /ҮБТДС/ нэгдүгээр тойрогт туркийн бөх Минор Ресеп Актастай барилдаж 0:7, 0:3 онооны харьцаагаар ялагджээ. Энэ жинд 12 бөх өрсөлджээ.
66 кг 1. Мустафа Кайя /Турк/
2. Сёмен Радулов /Украин/
3. Илья Абелов /Канад/
3. Владимир Готисан /Молдав/
9. Батчулууны Батмагнай /Монгол/
Манай бөх спортын мастер Б.Батмагнай /ҮБТДС/ нэгдүгээр тойрогт унгарын бөх Габор Фаркаштай барилдаж 0:1, 1:1 онооны харьцаагаар өвдөг шорооджээ. Энэ жинд 13 бөх өрсөлдөв.
74 кг 1. Реза Афзалинаемами /Иран/
2. Кохей Китамура /Япон/
3. Колтон Спонселлер /АНУ/
3. Камал Маликов /ОХУ/ энэ жинд 16 бөх барилдав.
