УИХ-ын
Байгаль орчин, хүнс, хөдөө аж ахуйн байнгын хорооны хуралдаанаар Үйлдвэр, хөдөө
аж ахуйн яам, Байгаль орчин, ногоон хөгжлийн яамны ирэх жилийн төсвийн төслийг
хэлэлцлээ. Үйлдвэр, хөдөө аж ахуйн яам ирэх жил 2013 оны урсгал зардлыг 312,9 тэрбум,
хөрөнгө оруулалтыг 121,9 тэрбум төгрөгөөр төсөвлөжээ. Мөн салбарын сайд
Улаанбуудайн тонн тутамд урамшуулал
болгон олгодог мөнгийг ирэх оны төсөвт нэмж тусгахыг тус байнгын хороонд
гаргасна юм. Энэ оны төсөвт улаанбуудайн урамшуулалд зориулж 15 тэрбум төгрөг төсөвлөсөн
байж. Харин үүнийг дахин 15 тэрбум төгрөгөөр нэмүүлэх хүсэлт гаргаж байгаа юм.
Өөрөөр хэлбэл өнгөрсөн хугацаанд нэг тонн улаанбуудай тушаасных нь төлөө тухайн
тариаланчдад 50 мянган төгрөгийн урамшуулал олгодог байсан. Үүнийг нэг тонн
тутамд 100 мянган төгрөг болгон нэмэгдүүлэх санал гаргасан хэрэг. Ийн нэмэхэд
нийдтээ 15 тэрбум төгрөг шаардлагатай юм байна. Энэ саналыг Байгаль орчин хүнс
хөдөө аж ахуйн байнгын хороогоор хэлэлцэж нэмэгдүүлэх нь зүйтэй гэж үзсэн юм.
Ингэснээр тариаланчид улсад нэг тонн улаанбуудай тушаасныхаа төлөө 100 мянган
төгрөгийн урамшуулал хүртэнэ.
Мөн энэ байнгын хорооны хурлаар хэлэлцсэн асуудал бол УИХ-ын гишүүн М.Зоригтын
гаргасан малыг вакцинжуулах санал байв. Тэрээр, жил болгон малыг эрүүлжүүлж
байна гэж вакцинжуулдаг. Мал эмнэлэг, үржлийн газар ч вакцинжуулах ажлыг маш
сайн зохион байгуулдаг. Гэвч вакцинжуулсан мал нь төдийлөн эрүүл болохгүй юм.
Наанадаж л хөрш орнууд манай улсаас мах авахгүй байна шүү дээ. Тиймээс малыг
жил болгон вакцинжуулж улсаас их хэмжээний мөнгө гаргаж байхаар вакциныг нь
сайжруулах ажлыг хийе. Эрдэмтэдийн судалгаа шинжилгээний ажилд нэг удаа маш
сайн мөнгийг нь шийдээд өгье. Дээрээс нь малыг хавар намарт нь вакцинжуулах бус
төл хүлээж авахад нь л вакцин хийдэг байя. Хүүхдийг төрсөн дариуд нь л вакцинд
хамруулдаг шиг малыг төл хүлээхэд нь вакцин хийвэл улсаас төсвөөс гарах зардлыг
хэмнэнэ гэв. Энэ саналын томьёоллоор гишүүд санал хуурааж дэмжсэн юм.
