МАН-ынхан Төрийн ордны хоёр талын хаалгыг бүчиж, жагсааж эхэллээ. “Өвөрхангайчуудын сонголтыг хүндэл”, “АН+Архи=АНАРХИ”, “АН Улс төрийн хүчирхийллээ зогсоо” гэхчлэн уриа лоозон барьсан байв. Жагсаалд Нийгмийн ардчилал залуучуудын холбооны тэргүүн Оюун-Эрдэнээс эхлүүлээд тус намын залуучуудын байгууллагын удирдлагууд, намын анхан шатны үүрийн дарга нар иржээ. Түүнчлэн Өвөрхангай аймгаас ирсэн иргэдийн төлөөлөл уг жагсаалд оролцож байгаа гэнэ.  
Харин энэ үед энэ жагсаалыг хөндлөнгөөс харсан иргэд, жиргээчид ингэж бичиж байна.
“Хөөрхий энэ МАН-ын залуус улс төрийн үзэл баримтлал байна уу. Ёстой нэг улс төрийн жүжиг тавих юм аа”, “НАМЗХ-ны Бат-Эрдэнэ нам дотроо шинэчлэлийг хүсч жагсч байлаа. Одоо бид ардчиллыг хүсч жагсана аа”, “Ард түмний сонголтыг хүндэтгэдэггүй, толгой муутай боловсон хүчин, утсан хүүхэлтэй, хатны цуурайнуудаар дүүрчээ, хөөрхий МАН”, “Цаг агаар өдийд өтгөн МАНАН-тай агаарын хэм -14 байна”, “Сонгууль шударга явдаг байсан бол МАН ялагдахыг ингэж олон жил хүлээхгүй байсан. Ардын хүүхэд ялж болдоггүй сонгууль уу. Та нар яахаараа биднийг хүндэлдэггүй юм” гэхчлэн бичиж санал сэтгэгдлээ илэрхийлж байна.


Н.Төмөрхүү, С.Чинзориг нарын сонгуулийн хууль зөрчсөнийг Өвөрхангайн 10-р тойргийн хороо тогтоосон баримт