Өвөрхангай аймгийн 10 дугаар тойрогт МАН-аас нэр дэвшиж олонхийн санал авсан С.Чинзориг, Н.Төмөрхүү нарын түр үнэмлэхийг нь хурааж, АН-ын Г.Батхүү, Д.Зоригт нарыг тангараг өргүүлэхээр болоод байгаа нь МАН төрийн ажлыг гацааж, жагсаал цуглаан зохион байгуулахад хүргээд байна.  Одоогоор Төрийн ордны гадаа жагсч, төрийн ордныг гороолж байгаа жагсаалд Өвөрхангай аймгийн сонгогчдын төлөөлөл ч оролцож байгаа юм байна.
Харин жагсагчдын тоо цөөн, тийм ч сүртэй биш байгаагаас МАН-ын “Тусгаар тогтнолын ордон”-д  байрлаж байгаа штабаас жагсаалд оролцох оюутнуудад тус бүр 40 мянган төгрөг тарааж байна гэсэн мэдээллийг УИХ-ын гишүүн нэгэн эрхэм твиттертээ бичжээ. Үүнээс болоод жиргээч оюутнуудаас сураг дуулсан оюутнуудын сэтгэл хоёрдож хичээл цалгардаж эхлээд байгаа тухай оюутнууд ярьж байна.