Өнөөдөр УИХ-ын нэгдсэн чуулган хуралддаг өдөр. Чуулган хуралдвал л АН Өвөрхангай аймгаас сонгогдсон гээд байгаа Г.Батхүү, Д.Зоригт нараа тангараг өргүүлчихэж мэднэ гэж хардаж байгаа МАН-ын гишүүн түшээд өглөөнөөс эхлэн УИХ-ын чуулганы танхимын хаалгыг халхлан, уриа лоозонгоо бариад сууж эхэлсэн байна.
Уг нь МАН-аас нэр дэвшигч С.Чинзориг, Н.Төмөрхүү нарын сонгуулийн сурталчилгаандаа оролцуулсан гээд байгаа, насанд хүрээгүй хүүхдүүд нь нэр төрөө сэргээлгэх гэж шүүхэд хандсан  учраас Өвөрхангай аймгийн шүүх “шинэ нөхцөл байдал үүслээ” хэмээн  асуудлыг эргэн харахаар боллоо гэсэн мэдээлэл өчигдөр ирсэн ч МАН-аас сонгогдсон гишүүд хашир нь дээр гээд суугаа жагсаалаа үргэлжлүүлж байгаа бололтой.
Харин өглөөний 9,00 цагаас Сүхбаатарын талбайд “Хүчирхийллийн эсрэг тэмцье, хууль цаазаа хамгаалъя” уриан дор олон нийтийн жагсаал болно гэж байсан ч одоогоор Сүхбаатарын талбайд нэг ч хүн алга байна.