Сүхбаатарын талбайд МАН-ын гишүүд дэмжигчид “Ардчиллаа аваръя”  жагсаал зохион байгуулж байна. Жагсаалд Өвөрхангай, Төв аймаг болон нийслэлийн дүүргүүдийн иргэд оролцож байгаа гэдгийг жагсаал зохион байгуулагчид хэлж байсан. Жагсагчид талбайгаас хөтөлж Төрийн ордон руу орж Ерөнхийлөгч, Ерөнхий сайд, УИХ-ын даргад шаардлага хүргүүлэхээр орж ирсэн юм. Гэвч Төрийн ордны хамгаалалтынхан жагсагчдын төлөөллийг ордонд нэвтрүүлсэнгүй. Тиймээс тэдний Төрийн гурван өндөрлөгт хүргүүлэх шаардлагыг МАН-ын гишүүн Н.Энхболд, С.Бямбацогт, Я.Содбаатар нар авав.
Тэд шаардлагыг УИХ-ын даргад өгөх гэсэн ч өрөө нь цоожтой байсан болохоор Ерөнхий сайд Н.Алтанхуягт шаардлагаа гардуулсан юм.