Белгийн Зоннебек хотын дэргэд цаг агаарын таагүй байдал, өтгөн манантай байснаас 100 маин мөргөлдсөн том осол гарч хоёр хүн нас баран, зуу орчим хүн бэртэж гэмтсэн байна. Өтгөн манагаас болоод жолооч нар өмнө нь осол гарсныг мэдэлгүй ар араасаа мөргөлдөж энэ аюул болжээ. Манагаас болоод нисдэг тэрэг нисч болохгүй байгаа болохоор түргэн тусламжийн машин замны түгжрэлд орж бэртэж гэмтсэн хүмүүс рүү очиход бэрхшээлтэй байжээ.  50 гаруй хүнийг эмнэлэгт хүргэсэн байна. Бараг гурван км үргэлжилсэн ослын газрыг цэвэрлэж, зам чөлөөлөн хөдөлгөөн сэргээхээр аврагчид, авто замынхан ажиллаж байна.