Европын холбооны 28 орны 26-д нь унадаг дугуй машинаас илүү борлогдож, өндөр эрэлт хэрэгцээтэй байгааг өнгөрсөн оны тоо баримт харууллаа. Амстердам, Копенгаген зэрэг дугуй унадгаараа алдартай хотуудын туршлага бүхий л Европ даяар түгэн тархаж, өдгөө хүмүүс машин авахаас илүүтэй унадаг дугуй сонгодог болжээ. Жишээлбэл, Италид л гэхэд 2012 онд 1,6 сая унадаг дугуй худалдаалагдсан бол машин 1,4 сая хувь борлогдсон байна. Ялангуяа Италийн нийслэл Милан хотод дугуй түрээслүүлэх үйлчилгээ эрчимжиж,  оршин суугчдаа эрүүл амьдралын хэв маягт уриалан дуудаж байна. Испанийн Мадрид гэхэд хотоо бүтэн тойрсон 10 километр дугуйн зам гаргаж, иргэдээ дугуй унах боломжоор хангаж өгчээ. Дугуй унах нь маш орчин үеийн, загварлаг харагдахаас гадна эдийн засагт ч хэмнэлттэй гэж залуус үзэх болсон тухай Португалийн дугуйчдад зориулсан сэтгүүлийн эрхлэгч ярьж байна. Лондонд дугуйгаар зорчих явдал 10 жилийн хугацаанд 66 хувиар өссөн гэдэг мэдээ байна.