Сирийн Алеппо хотод уржигдар  болсон Засгийн газрын нисэх хүчний бөмбөгдөлтөд бага сургуулийн байр өртжээ. Үүний улмаас 25 сурагч амь үрэгдэв. Хэргийн талаар албаныхан өчигдөр мэдээлсэн юм. Сирийн Засгийн газрын арми Алеппо хотын хэд хэдэн хорооллыг босогчдоос чөлөөлөхөөр тэдний байрлалыг бөмбөгдсөн ажээ. Үүнтэй зэрэгцэн босогчид Дамаскийн шийтийн дүүрэг дэх шариатын сургуулийн цогцолбор руу гал нээснээс 14 хүн амь үрэгдэж, 86 хүн гэмтэж бэртсэн байна. Хохирогчдын ихэнх нь шашны сургуулийн сурагчид байжээ. Түүнчлэн Хомс хотноо  хоёр машинд тэсрэх бөмбөг дэлбэрч, 37 хүн амиа алдлаа. Энэ бүхнээс Сирийн Ерөнхийлөгч Башар Ассад  сонгуульд нэрээ дэвшүүлсэн нь террорыг идэвхжүүлсэн гэж ажиглаж дүгнэж байна.