Өмнөд Солонгосын “Севол” гатлага онгоц осолдсон газар ажиллаж байсан аврагч амь үрэгдсэн тухай “РИА” агентлаг мэдээлэв. 53 настай Ли овогтой шумбагч 25 метрийн гүнд шумбасны дараа газар дээр байгаа хүмүүстэй холбоо тасарсан байна. Үүний дараа аврагчийг аврах ажиллагаа явуулж гүнд ухаан алдсан Ли-г гарган авч эмнэлэгт хүргэсэн ч тэрээр ухаан оролгүй байсаар өөд болжээ. Үүний дараа гатлага онгоцыг гаргах, сураггүй алга бологсод ба өөд болсон хүмүүсийг олох бүх ажиллагааг түр хугацаагаар зогсоожээ. Одоогоор гатлага онгоцны ослын улмаас амиа алдсан нь тогтоогдоод байгаа хүмүүсийн тоо 259 болсон байна.