Зүүн аймгуудад их хэмжээгээр ой хээрийн түймэр гарч буйгаас үүдэн энд тэндгүй хандив цуглуулах аян өрнөж байна. Гэвч хандиваас илүү нутгийн иргэдэд  хүн хүч хэрэгтэй байгаа юм. Тэгвэл Монгол хэмээн овоглож, сайрхдаг төрийн бус байгууллага хөдөлгөөнүүдээс түймэртэй газар дээр нь очиж тэмцэж бусдыгаа үлгэрлэж буй нь МУГЖ С.Жавхлангийн санаачилсан “Хамаг Монгол”-ийнхон л болж буй аж. Тус төслийнхөн Дорнод аймгийн Баян-Уул сумын түймрийн голомтод ажиллаж, чадлаараа нутгийн иргэдэд дэм болж байгаа гэнэ. Мэдээж түймрийн голомтод ажиллах нэрээр хээрийн хувцас өмсч, онгоцоор нисч байгаа цагаан гартнуудыг бодвол МУГЖ маань гартаа тааралдсан зүйлээр багаж хийгээд зүтгэж буй бололтой.