Монголын оюутны холбоо, Улаанбаатар хотын Цагдаагийн газар хамтран хэрэгжүүлдэг “Оюутан цагдаа” хөтөлбөр хоёр дахь жилдээ хэрэгжихээр болжээ. Тус хөтөлбөрийн зорилго нь аялал жуулчлалын улиралд Улаанбаатар хотод ирэх жуулчдын тоо нэмэгддэгтэй холбогдуулан жуулчдын аюулгүй байдлыг хангах, тэдэнд зөвлөгөө мэдээлэл өгөхийн тулд англи хэлний анхан болон дунд шатны мэдлэгтэй оюутан залуучуудыг “Оюутан цагдаа” хөтөлбөрт хамруулдаг. “Оюутан цагдаа” хөтөлбөрт хамрагдсанаар оюутнууд зуны амралтаараа англи хэлний ярианы чадвараа сайжруулахын зэрэгцээ цалин авах  боломжтой болж буй юм. Өнгөрсөн жил уг хөтөлбөрт 88 оюутан хамрагдаж нэг цагийн хөлс нь 3500–4000 төгрөг байсан. Харин энэ жил 150 оюутан цагдаагаар ажиллах хүмүүсийг  ирэх сарын 5-наас бүртгэхээр болжээ. “Оюутан цагдаа” хөтөлбөрт хамрагдсан оюутнууд жирийн өдрүүдэд 4-6 цаг ажиллах бол баяр наадмын ачаалалтай өдрүүдэд 8-12 цаг ажиллах юм байна.