Өөрийн 62 настай ажилтныг туна загастай хамт пийшинд хийгээд шарчихсан Bumble Bee Foods компани болон тэдний удирдах хоёр ажилтны хэргийг америкийн шүүх хэлэлцэж эхэллээ.  

2012 онд гарсан энэ хэргийн ухай хэвлэлүүдэд бичсэнээр бол техникийн ажилтан Хосе Мелен гэгч 11 метрийн гүнтэй хийн зууханд техникийн үзлэг хийж байхад нь нөгөө ажилчин нь зууханд  5,5 тонн туна загасны мах хийгээд түгжээд халаачихаж.
Меленийг алга байхыг мэдсэн ажиллагсад үйлдвэрийн цех, дотуур гадуур машины зогсоол дээгүүр хэчнээн хайгаад олсонгүй.

Гэтэл хоёр цагийн дараа загасны махаа гаргах үед 132 градус халсан зуухан дотор ажилтан нь нас барсан байхыг олжээ. “Манай ажилтан энэ эмгэнэлт явдлын үеэр амиа алдсанд гүнээ эмгэнэж байна. Түүгээр ч үл барам түүний үхэлд бид буруутай” гэж хүнсний компанийн удирдлага албан ёсоор мэдэгджээ. Компанийн захирал Анхель Родригес, аюулгүй ажиллагааныудирдагч Саул Флорес нарыг шүүх буруутай гэж үзвэл аюулгүй ажиллагааны дүрэм зөрчиж хүний аминд хүрсний нь төлөө  үзэн гурван жил хорьж 250 мянган долларын торгууль оногдуулах юм.