Манай гариг дээр хиймэл зүрх суулгуулсан хоёр дахь хүн 69 насандаа Францын Нант хотын эмнэлэгт  өөд болсон байна. Эрэгтэй тавдугаар сарын 2-нд нас барсан ч хэвлэлийнхэн даваа гарагт л мэдээлж эхэлжээ. “Одоо хиймэл зүрх үйлдвэрлэсэн Garmat  компани бүтээгдхүүнийхээ ажиллагааг шалган энэ эрхтэн хүний биед ямар нөлөө үзүүлсэн, найдвартай эсэх талаар дүгнэлт хийж байна” гэж компанийн мэдэгдэлд дурдсан байна.  
Хиймэл зүрхийг анх 2013 онд 76 настай эрэгтэйд суулгасан ч 75 хоногийн дараа хиймэл зүрхний ажиллагаа доголдсоны улмаас нас барсан юм.
2014 оны зун 900 грамм жинтэй хиймэл зүрхийг 68 настай энэ эрэгтэйд суулгаж, хагас жилийн дараа гэхэд тэрээр хэвийн амьдралд шилжин бүр дугуйгаар явдаг болсон юм.
Одоо гурав дахь хүнд хиймэл зүрх суулгах хагалгааг удахгүй хийнэ гэж дөрөвдүгээр сарын сүүлчээр зарлаад байгаа юм.