Дулаан гараж, хайж, машины бүтээлгээ алдчих вий гэж эмээж байхгүй, машинаа өөрийнхөө тагтан дээр тавьдаг болбол ямар вэ.
Сингапурт ийм зориулалттай тэнгэр баганадсан өндөр барилга барьж байна. Элитүүдэд зориулсан Hamilton Scotts нэртэй 56 давхар энэ цамхгийн сууц бүрийн тагт нь хоёр машин тавих зай талбайтай.

Мэдээж энэ өндөр байшинд оршин суугчдын зорчих цахилгаан шатнаас гадна, автомашинуудыг өргөж, буулгах ачааны өргүүр байгаа. Оршин суугчид ердийн цахилгаан шатаар явж байгаа юм шиг л байшингийнхаа гадаа ирээд ачааны шатаа дуудаж, машинаа байрлуулаад хэдэн давхарт гарах товчоо дарахад л болоо, таны машин хэдхэн минутын дараа гэрийн чинь тагтан дээр очно.

Урьд нь орон сууц, албан конторын барилгууд доод хонгилдоо авто гаражтай байдаг байсан бол Hamilton Scotts цамхаг нь авто зогсоол, гаражийг ингэж сууц бүрт нь байрлуулсан анхны орон сууц болж байна.
Мэдээж орон сууцны үнэ ерийнхөөс арай өндөр байх нь ойлгомжтой.