“Магнай трейд”, “Жаст Ойл” компаниудыг нийт гурван тэрбум 112 сая төгрөгөөр торгохоор болжээ. Тодруулбал, “Жаст Ойл” компанид 900 гаруй сая төгрөг, “Магнай Трейд” компанийг хоёр тэрбум гаруй төгрөгөөр тус тус торгохоор болсон талаар ШӨХТГ-аас өнөөдөр мэдээллээ. Учир нь дээрх хоёр компани 2013 онд шатахуун, дизель түлшний жижиглэн худалдаалах үнийг нэг өдөр нэмсэн билээ. Тухайн үед ШӨХТГ-аас хоёр байгууллагын энэ үйлдлийг Өрсөлдөөний тухай хуулийг зөрчсөн гэж үзсэн юм. Улмаар “Жаст Ойл” компани 941 сая төгрөг, “Магнай Трейд” компани хоёр тэрбум 368 сая төгрөгийн торгууль төлөх шийдвэр гарсан. Харин тухайн үед хоёр компани шүүхэд гомдол мэдүүлж, өнөөдрийг хүртэл маргаан үргэлжилсэн. Харин саяхан ШӨХТГ-аас гурван шатны шүүхээр бүгдэд ялалт байгуулсан учраас хоёр компанид торгуулийг оногдуулахаар болсон талаар мэдээлсэн юм.