АНУ-ын  албан байгууллага, өндөр албаны хүмүүс, элчин сайдын яамдын хамгаалалтын албанд ажилладаг нууц албаны ажилтны гар буу, бусад эд зүйлийг албан байрнаас нь холгүй газраас хулгайлсан хэрэг гарсан байна.
CNN телевизийн мэдээлснээр бол нууц ажилтны Вашингтоны төвд байрлуулсан авто машинаас гар буу, нууц ажилтны тэмдэг, холбооны хэрэгсэл, чихэвч, зураг бүхий дискийг нь хулгайлсан банйа. Нууц ажилтны нэрийг Вашингтоны цагдаагийнхан дурдаагүй ч нэг эх сурвалж энэ хүнийг АНУ-ын ерөнхийлөгч Барак Обамагийн хамгаалалтын салаанд ажилладаг гэсэн байна.
АНУ-ын нууц алба энэ талаар тайлбар өгөхөөс татгалзсан ч энэ хэргийг агентлагийн үйл ажиллагаанд аюул учруулах зорилгоор үйлдсэн гэж үзэж байгааг албаны бус нэг ажилтан хэлжээ.
АНУ-ын нууц алба аюулгүй байдлыг хангах талаар хангалтгүй байна гэсэн шүүмжлэл сүүлийн жилүүдэд нэг биш удаа гарч байсан. Энд ажилтнуудын нь сахилга хариуцлагаас гадна, сэтгэцийн эмгэгтэй хүмүүс Цагаан ордны нутаг дэвсгэрт нэвтэрсэн зэрэг шүүмжлэл гарч байсан юм.