17:50 Улсын аварга О.Балжинням: Олимпын хариуцлагатай жил. Гэтэл манай жүдо бөхийн холбооны Ерөнхийлөгчийг иймэрхүү байдалд оруулж байгаа нь тамирчдын сэтгэл санаанд их нөлөөлж байна. Бид бэлтгэлээ хагас дутуу хийгээд л гарч ирлээ. Маргааш Азийн аваргын тэмцээнтэй.

УИХ-ын гишүүн Х.Баттулгын охин Б.Номин, хүү Б.Жавхлан нар ирсэн ч Баянгол буудал руу орж чадсангүй

Олимпын аварга Н.Түвшинбаяр :Олимпын өмнө тамирчдын сэтгэлд үнэхээр их нөлөөлж байна. Маргааш Азийн аваргын тэмцээнд багаараа явна. Үнэхээр холбооны Ерөнхийлөгч маань иймэрхүү байдалтай байхад тамирчид унтаж ч чадахгүй байна

УИХ-ын гишүүн Ж.Батзандан: УИХ-ын өргөдлийн байнгын хороонд хууль бус нэгжлэг болж байна гэсэн өргөдөл гаргасан.  Цагдаагийн баривчилгаа мөрдөн шалгах ажиллагаа сүүлийн үед хэрээс хэтэрч байна. Цагдаагийн ажиллагаа бол хуулийн хүрээнд хүний эрхийг дээдэлж явуулах ёстой. Миний хувьд Баттулга гишүүний өрөө, гэрт нэгжлэг хийж байна гэсэн мэдээлэл ирсэн.  АЛиваа мөрдөн шалгах ажиллагаа Хүний үндсэн эрхэнд халдахгүй, нийгэмд айдас бий болгохгүй явагдах учиртай. Гэтэл өнөөдөр манай хууль эрхзүйн байгууллага нийгэмд айдас хүйдэс бий болгож, дараагийнх нь хэн бэ гэх асуулт гаргадаг болоод байна.  УИХ-ын гишүүн жирийн иргэн гэж хувааж болохгүй. Хууль хяналтынхан шалгах гэж байгаа бол хуулийнхаа хүрээнд л шалгах хэрэгтэй. УИХ-ын гишүүнтэй холбоотой хэд хэдэн халдашгүй эрх бий. Сүүлийн үед сүр дуулиантай баривчилгаа хэрээс хэтэрч байгаа. Би өөрөө нүдээрээ харах гэж ирлээ.