УИХ-ын дарга З.Энхболдын Ипотек, Барилга хариуцсан зөвлөх Гочоосүрэнгийн Байгалмаа Нийслэлийн Сүхбаатар дүүргийн 2-р сургууль буюу УИХ-ын сонгуулийн 60 дугаар тойргийн 2 дугаар хэсгийн хороонд санал өглөө.

Тэрээр сонгууль хуулийн хүрээнд эмх цэгцтэй болж байгааг дурьдаад, "Иргэд хийгээд, намууд, нэр дэвшигчид хуулиар хүлээсэн үүргээ биелүүлж чадвал, элдэв зөрчил, маргаан гаргахгүй. Иргэд, сонгогчдыг сонгуульдаа идэвхтэй оролцохыг уриалж байна” гэсэн юм.






Сонгуультай холбоотой мэдээллийн талаар дашрамд сонирхуулахад:

Сонгогчдын ирц хамгийн өндөр байсан үе бол 1992 он гэдгийг Сонгуулийн Ерөнхий хорооны мэдээллээс харж болохоор байна.

Тухайлбал 1992 онд сонгогчдын ирц 95.6 хувьтай байжээ. Харин 2012 оны парламентын сонгуулиар сонгуулийн ирц буурч эхэлсэн байна. Тодруулбал тухайн онд 67.2 хувийн ирцтэй байжээ. Үүнийг Сонгуулийн Ерөнхий хорооноос шилжилт хөдөлгөөнөөс шалтгаалснаас гадна сонгогчийн идэвх буурсантай холбоотой хэмээн тайлбарлаж байна.

Сонгуулийн Ерөнхий хорооноос гарсан мэдээллээс үзвэл сонгуулийн ирц 2000 онд 82.4 хувьтай байсан бол 2012 онд 67.2 хувьтай гарчээ.