Аймаг, нийслэлийн Иргэдийн төлөөлөгчдийн хурлын сонгуулийн дөрвөн тойрогт дахин сонгууль явуулахаар болжээ. Дархан-Уул, Өмнөговь, Орхон, Сүхбаатар аймгийн тойргуудад дахин сонгууль явуулах шүүхийн шийдвэр гарсан байна. Нэр дэвшигчдийг сонгуулийн хэсгийн хороо бүртгэж аваагүйн улмаас шүүхэд хандаж. Харин шүүхээс энэ нь хууль зөрчсөн үйлдэл болохыг тогтоосон тул дахин сонгуулийг аравдугаар сарын 19-нд болох орон нутгийн сонгуультай хамт хийхээр болжээ.

Дархан-Уул аймгийн Дархан сумын гурав, ес, 14, 15, 17 дугаар баг, Шарын гол, Хонгор сумын тойргуудад дахин сонгууль болно. Мөн Өмнөговь аймгийн Булган, Номгон сумын тойргуудад, Орхон аймгийн нэг тойрог, Сүхбаатар аймгийн Дарьганга сумын тойрогт тус бүр дахин сонгууль болох юм байна. Наймдугаар сарын 25-ны өдөр дахин сонгуулийг явуулахаар товлосон ч Сонгуулийн ерөнхий хорооны саналын дагуу сум, дүүргийн ИТХ-ын сонгуультай хамт явуулахаар шийджээ.