Сонгогчдын ирц 50 хувьдаа хүрээгүй нийслэлийн 79 хороонд аравдугаар сарын 23-ны ням гарагт нэмэлт санал хураалт явуулахаар болсныг Нийслэл Улаанбаатар хотын сонгуулийн хороо  мэдэгдлээ.  Ингэхдээ саналаа өгсөн иргэд дахин өгөхгүй, харин санал өгөөгүй иргэд саналаа өгч, саналын дүнг өмнөх ирцэн дээр нэмж тооцох юм байна.

Нийслэлийн хэмжээнд нийт 860 мянга 452 иргэн сонгогчдын нэрсийн жагсаалтад бүртгүүлснээс 48 хувь нь буюу 413 мянга 212 сонгогч саналаа өгсөн байна.

Нийслэлийн 152 хорооны 73-д сонгогчдын 50-аас дээш хувь нь саналаа өгсөн бол 79 хороонд сонгогчдын  ирц хүрээгүй учраас энэ хороодод  нэмэлт санал хураахаар болж байгааг Нийслэлийн сонгуулийн хорооны дарга Ү.Ганболд мэдэгдлээ.

Нийслэлийн Багахангай, Налайх дүүрэгт сонгогчдын 50-аас дээш хувь нь санал өгч, сонгууль хүчин төгөлдөр болсон байна. Дээрх хоёр дүүрэгт МАН ялжээ. Үүнээс гадна нийслэлийн хэмжээний 398 санал авах байрны 49-д нь техникийн тооллого явуулахаар боллоо гэж Нийслэлийн сонгуулийн хороо мэдээллээ.

НЭМЭЛТ САНАЛ ХУРААЛТ ЯВУУЛАХ ТОЙРОГ, ХЭСГИЙН ДҮН МЭДЭЭ

Дүүрэг    Нийт  тойрог Ирц хүрсэн Ирц хүрээгүй    Нэмэлт санал хураах САБ

Сүхбаатар    20                  15                5                               9
Хан-Уул        16                  11                 5                                14
 Баянгол       23                  15                 8                               17
Баянзүрх       28                  4                 24                              71
 Чингэлтэй    19                   4                 15                                39
СХД               32                  11                21                               61
 Багануур      5                     4                   1                               2
 Налайх         7                     7                   0          
Багахангай    2                    2                   0          
    
Нийт дүн    152                   73                  79                            213