Монгол Улсын Засгийн газар Бүгд найрамдах Польш улсын Засгийн газар хооронд байгуулах зээлийн ерөнхий хэлэлцээрт 50 хүртэл сая еврогийн зээл авахаар тусгажээ. Уг зээлийн хэлэлцээрийг өчигдөр Аюулгүй байдал, гадаад бодлогын байнгын хороо дэмжсэн тул Засгийн газарт дүгнэлтээ хүргүүлэхээр боллоо.

Жилийн хүү нь 0.15 хувь байх 50 хүртэл сая еврогийн зээлийг ямар салбарт зарцуулахыг гишүүд анхааралдаа авахыг хэлж байсан. Хөдөө аж ахуй, боловсрол, дэд бүтцийн салбарт тус бүр зарцуулахаар зээлийн хэлэлцээрт тусгажээ. Хэрвээ Монгол Улсын Засгийн газар хэлэлцээрт дурдсан хугацаанд аливаа төлбөрийг хийж чадаагүй тохиолдолд 0.15 хувийн хүүгээс гадна 1.5 хувийн торгуулийн хүү төлөх үүрэгтэй юм байна. Зээлийн хугацаа 28 жил бол үндсэн төлбөрөөс чөлөөлөгдөх хугацаа нь таван жил байх нь.