Үндсэн хуулийн цэц Дунд суудлын хуралдаанаараа өчигдөр УИХ-ын 2016 оны долдугаар сарын 21-ний өдрийн 12 дугаар тогтоолоор Оюуны өмчийн газрыг Улсын бүртгэлийн ерөнхий газартай нэгтгэн Оюуны  өмч, улсын бүртгэлийн ерөнхий газар болгон тогтоосон нь Үндсэн хуулийн холбогдох заалтыг зөрчсөн эсэх тухай маргааныг хянан хэлэлцлээ. Дээрх тогтоолоор Оюуны өмчийн газрыг Улсын бүртгэлийн ерөнхий газартай нэгтгэсэн нь төрийн захиргааны байгууллагын тогтолцоо, бүтцийн ерөнхий бүдүүвчийг тогтоох талаарх УИХ-ын бүрэн эрхэд хамаарч байгаагаас гадна Үндсэн хуулийн холбогдох заалтыг тус тус зөрчөөгүй байна хэмээн Үндсэн хуулийн цэц дүгнэв.