Монгол Улс бол Хятадын сайн хөрш, сайн түнш. Хоёр орон эдийн засгийн хамтын ажиллагаагаа өргөжүүлэх замаар Монгол Улсад эдийн засгийн хүндрэлтэй үеийг даван туулахад нь Хятад Улс дэмжлэг үзүүлнэ гэж БНХАУ-аас Монгол Улсад суугаа Элчин сайд Син Хаймин хятад-монголын эдийн засгийн хамтын ажиллагааны талаар хийлгэсэн хэвлэлийн бага хурал дээрээ тэмдэглэжээ.

Хоёр талын эдийн засгийн хамтын ажиллагааг цаашид хөгжүүлэхдээ  ашигт малтмал, дэд бүтэц, хүмүүнлэгийн салбар гэсэн чухал чухал салбаруудад түлхүү анхаарна гэж Эчлин сайд онцолсон  байна.

Эдийн засгийн хамтын ажиллагааны бүсийг тогтоохдоо эдийн засгийн чөлөөт бүсийн хэлэлцээрийг хөдөлгөөнд оруулах, Хятад-Монголын хөрөнгө оруулалтыг гэрээг эцэслэх, “Нэг бүс, нэг зам” санаачлагын хүрээнд Хятад-Монгол-Оросын эдийн засгийн хонгилыг хөгжүүлэх юм. Эдгээр  төсөл нь нэг талаас Хятад-Монголын эдийн засгийн хамтын ажиллагааны тогтовортой хөгжлийн суурь болно. Нөгөө талаас Монгол Улсад эдийн засгийн хүндрэлтэй байдлаасаа гарахад тус болох юм гэж Элчин сайд мэдэгдсэнийг Синьхуа агентлаг дамжууллаа.