Монгол Улсын Ерөнхийлөгч Ц.Элбэгдорж УИХ-ын чуулганд үг хэлэв. Тэрээр УИХ-ын хаврын чуулганаар хэлэлцэж байгаа хуулийн төслүүдийн талаар УИХ-ын гишүүдэд анхаарах шаардлагатай хэд хэдэн асуудал байгааг сануулсан юм. 

Мөн Зөрчлийн тухай хуульд оруулах нэмэлт өөрчлөлтөөс үүдэж хэвлэлийнхний үзүүлсэн акцыг УИХ анхаарахыг сануулаад  “Иргэдийн мэдээлэл авах эрхтэй холбоотой асуудал яригдаж байна. Хэрвээ тухайн хэвлэл мэдээллийн байгууллага, сэтгүүлч нэр төрд халдсан гүтгэсэн гэж та үзэж байгаа бол Иргэний хуулиар шийдүүлэх боломж нь бүрэн бий.  Гэтэл хамгийн бүдүүлэг аргаар шууд торгоно гэдэг байж болохгүй зүйл. Үнэндээ Төрийн албан тушаалтнууд, улстөрчид иргэддээ амлалт өгөөд амлалтаа биелүүлээгүй бол хариуцлага хүлээдэг тогтолцоо өнөөдөр байгаа бил үү. Тиймээс эхлээд өөрсдийгээ тойрсон хариуцлагын тогтолцоогоо тодорхой болгооч ээ. Би бол хамгийн их гүтгүүлсэн хүн гэж болно. Шүүмжлэлд эмзэглэх хэрэггүй.

Ер нь Улс төрийн албан тушаалтнууд гомдол гаргах эрхийг нь ч хаах хэрэгтэй. Ухаантай улстөрч бол хэлж ярихаа, хийх үйлдлээ үргэлж мэддэг байх ёстой. Тэгэхээр Эрүүгийн болоод Зөрчлийн тухай хуулиас энэ зүйл заалтыг бүүр хассан ч болох юм. Одоо саналаа эргүүлж татлаа гэж байгаа үндсэн санал нь үлдсэн байдгийг анхаарч үзээрэй” гээд Ерөнхийлөгч УИХ-д санал оруулах эрхийнхээ дагуу орж ирсэн” гэдгийг онцлов.