Билгийн

Доллар (USD)

Улаанбаатар

Ерөнхийлөгчид нэр дэвших хүн тодруулах АН-ын дотоод сонгууль болно

Монгол Улсын Ерөнхийлөгчид намаасаа нэр дэвшүүлэх хүнээ тодруулах Ардчилсан намын дотоод сонгууль өнөөдөр 10,00 цагаас орон даяар эхэлж намын гишүүдээсээ санал хураана. Энэ сонгуульд өөрийгөө Монгол Улсын Ерөнхийлөгчийн сонгуульд сойно гэсэн Х.Баттулга, Р.Амаржаргал, Л.Болд, Б.Жаргалсайхан, Д.Дорлигжав, Н.Алтанхуяг нарын зургаан хүн өрсөлдөж байгаа.

Энэ хүмүүс өчигдөр нэр дэвших хүсэлтээ намдаа өгч бүртгүүлэн, дэнчингээ тушаасны дараа АН тэдний нэрийг бичсэн  саналын хуудасны загварын цахим шуудангаар бүх аймаг хотуудад илгээсэн юм байна.

Дотоод сонгууль өнөөдөр 20,00 цагт дуусч хамгийн олон санал авсан хүнийг Ардчилсан намын их хурлаар батламжлан, намаасаа нэр дэвшүүлэн СЕХ-нд албан ёсоор бүртгүүлж, Монгол Улсын Ерөнхийлөгчийн сонгуульд өрсөлдүүлэх юм байна.
0 Сэтгэгдэл
Хамгийн их уншсан