МАХН-ын  гишүүд өнөөдөр нийслэлийн Чингэлтэй дүүргийн Засаг даргад хандаж, Тусгаар тогтнолын талбайд жагсах зөвшөөрөл  хүсэх гэнэ.

Монгол Улсын ерөнхийлөгчийн сонгуульд тус намын Бага чуулганаас ерөнхийлөгч асан Н.Энхбарын нэрийг дэвшүүлэн бүртгүүлэхээр Сонгуулийн ерөнхий хороонд материалаа өгсөн ч түүнийг энэ удаа дэвшүүлэх боломжгүй гэсэн шийдвьэр гаргасан нь ийм шийдэлд хүргэсэн байна. МАХН-ын гишүүд үүнгийг сонгуульд шударгаар өрсөлдөх боломжийг хааж байна гэж үзсэн байна.

МАХН-аас нэр дэвшигч Н.Энхбаярыг нэр дэвшихээр бүрдүүлсэн зарим материал дутуу,  хилийн албаны тодорхойлолт, ял шийтгүүлж байгаагүй гэсэн шаардлагыг хангаагүй байна гэж үзжээ. Цагдаагийн ерөнхий газрын тодорхойлолт болон Сүхбаатар дүүргийн шүүгчийн захирамжид дурдсанаар түүнийг ялтайд тооцох хугацаа 2017 оны наймдугаар сарын 2-нд дуусах юм байна.  Мөн Ерөнхийлөгчийн сонгуульд нэр дэвшигч нь 5-аас доошгүй жил эх орондоо тасралтгүй оршин суусан байх ёстой ч  Н.Энхбаяр нь 2013 оны 8 дугаар сарын 13-наас 2014 оны 10 дугаар сарын 9-ныг хүртэл буюу 13 сарын турш эх орондоо байгаагүй гэж үзээд бүртгэхээс татгалзжээ.