Приус автомашин гадаадаас оруулж ирэх  татварыг нэмсэнийг эсэргүүцсэн "Иргэнээ сонсох 11-11" ТББ өнөөдөр Сүхбаатарын талбайд жагсаал хийлээ.

Ийн татвар нэмсэн нь автомашин импортлогч жирийн иргэдийн амьдралд хүнд цохилт боллоо хэмээн тавдугаар сарын 19-ний өдөр УИХ-ын дарга М. Энхболдод шаардлага хүргүүлснийхээ  хариуг нэхэж ийнхүү өнөөдөр жагсахдаа Приус автомашин шатаахыг завджээ.

Тэд УИХ-ын даргад хүргүүлсэн шаардлагадаа:
"УИХ-аас баталсан татварын нэмэгдэл автомашин импортлогч жирийн иргэдийн амьдралд хүнд цохилт боллоо.
Татварыг нэмэгдүүлэх хууль нь 10,000 гаруй гэр бүлийг орлогогүй, ирээдүйдээ итгэх итгэлгүй, нийгмийн дундаж давхаргаас ядуу анги руу шууд гулгуулсан шийдвэр болсон гэж бид үзэж байна.
Өнөөдөр эх үүсвэрээсээ салсан энэ иргэд эсэргүүцлийн дараагийн алхмыг хийхээс өмнө 2017 оны 5-р сарын 22-ны 09:00 цагаас өмнө тодорхой хариулт өгөхийг шаардаж байна. Энэхүү шаардлагыг биелүүлээгүй тохиолдолд тэмцлийн дараагийн хэлбэрт шилжихийг хариуцлагатайгаар мэдэгдэж байна" гэсэн юм байна.  
Үүнд нь УИХ-ын дарга тодорхой хариу өгөөгүйгээс тэд ийнхүү эсэргүүцлээ илэрхийлжээ.