Наран ургах зүүн бүсээс сонгуулийн кампанит ажлаа эхлүүлсэн Монгол Улсын Ерөнхийлөгчид Монгол Ардын Намаас нэр дэвшигч Миеэгомбын Энхболд Багануур дүүргийн иргэдтэй уулзалт хийсний дараагаар Төв аймгийн Баяндэлгэр, Эрдэнэ сумаар орж иргэд сонгогчидтой уулзсан. Тэрбээр төрд зүтгэх их аяных нь дөрөөг чангалж, цаг ямагт сүүн цацлаа өргөж байдаг Төв нутгийн түмэндээ талархал илэрхийлж “Эвтэй Монгол-Ээлтэй төр”-ийн төлөө монголчууд хамт зүтгэх ёстой гэдгийг ч сануулсан юм.