УИХ-ын чуулганы нэгдсэн хуралдаанаар Онцгой албан татварын тухай хуульд нэмэлт өөрчлөлт оруулахдаа хос тэжээлт, цахилгаан хөдөлгүүрт болон хийгээр ажилладаг автомашиныг татваргүй байсныг 50 хувиар татвар төлж байхаар болгосон. Ингэснээр энэ хулуийн дагуу Приус 375.000-6.675.000 төгрөгийн татвар төлөх , гэхдээ хууль хэрэгжиж эхэлсэн 5 дугаар сарын 1-ний өдрөөс төлөх болсон.

Гэтэл хууль хэрэгжихээс өмнө хилээр орж ирээд гаалийн талбайд байсан машинуудын эзэлд ч ийм хэмжээний татвар төлөхөөр болсон нь автомашин импортлогчдын дургүйцлийг төрүүлж иргэд аж ахуйн нэгжүүдээс гомдол шүүмжлэл дагуулсан.

Түүнчлэн татвар нэмэхээс өмнө захиалсан болон лизингээр авсан “Пруис” автомашины захиалсан, борлуулсан, худалдан авагч нарын дунд үл ойлголцол бий болох, гааль дээр хугацаандаа автомашинаа авч чадахгүй бөөгнөрөл үүсэх зэрэг асуудал үүссэн юм байна.

Энэ бүхнээс үүдээд айж мэгдсэн эрх баригичд дахиад л Онцгой албан татварын тухай хуульд нэмэлт, өөрчлөлт оруулах тухай хуулийн төслийг боловсруулж хэлэлцсэн байна.

Энэ хуулиар 5 дугаар сарын 01-ний өдрөөс хуулийн төсөл батлагдах хүртэл хугацаанд хос тэжээлт, шингэрүүлсэн хийгээр ажилладаг, цахилгаан тэжээлт автомашинд ногдуулсан албан татварыг татвар төлөгчид буцаан олгохоор болжээ.

Ийнхүү манай хууль тогтох дээд байгууллага УИХ ард иргэд, хэрэглэгчиддээ бууж өгөн  дөрөвдүгээр сарын 14-нд баталсан Онцгой албан татварын тухай хуульдаа энэ зургадугаар сарын 8-ны өдөр нэмэлт өөрчлөлт оруулахаар эцсийн хэлэлцүүлэгт шилжүүллээ.