2017оны Ерөнхийлөгчийн сонгуулийн телевизийн мэтгэлцээн зохион байгуулах тал дээр талууд нэгдсэн ойлголтод хүрч чадсангүй. Хуулиараа гурван нэр дэвшигч гурвуулаа мэтгэлцээнд оролцсон байх ёстой. Гэвч МАН, МАХН-ын зүгээс хэт нэг талыг барьсан, нэр дэвшигчтэйгээ сонирхлын зөрчилтэй, олон нийтийн эрх ашгийг илэрхийлж чадахгүй телевизээр мэтгэлцэх шаардлага тавьсан. АН-ын нэр дэвшигчийн хувьд 2017 оны Ерөнхийлөгчийн сонгуулиар хувь нэр дэвшигч, намтай ямар нэгэн сурталчилгааны болон хаалтын гэрээ байгуулаагүй телевиз болох "HD Монгол" телевизээр мэтгэлцэх санал тавьсан ч нөгөө талууд хүлээж авсангүй. Түүнчлэн АН-ын нэр дэвшигчгүйгээр ,Сонгуулийн тухай хууль зөрчиж мэтгэлцээн явуулахаар болсноо мэдэгджээ.