СЕХ-ноос хоёр дахь шатны санал хураалт явуулах товыг зарласны дараа Ардчилсан намын дарга асан, УИХ-ын дарга асан З.Энхболд өөрийн байр сууриа илэрхийлэв. Тэрээр “Сонгуулийн ерөнхий хороо өнөөдөр хууль зөрчсөн мэдэгдэл гаргалаа. Дахин санал хураалтыг 07дугаар сарын 9-нд явуулахаар шийдэв. Энэ нь ням гариг таарсан байна.
 Монгол Улсын Үндсэн хуульд “Сонгуулийн санал хураалтыг амралтын өдөр зохион байгуулахгүй” хэмээн заасан байдаг. Мөн 07 дугаар сарын 9-н гэхэд наадам ч эхэлсэн байна. Зарим аймаг сумын наадам болж байдаг. Тэгэхээр энэ өдөр хийх боломжгүй юм. СЕХ-ноос МАН-д үйлчилсэн шийдвэр гаргалаа” гэв. Тиймээс АН-аас СЕХ-нд хандан сонгуулийн өдрийн товыг өөрчлөх шаардлага хүргүүлнэ хэмээн мэдээлсний дагуу АН-аас дараах мэдэгдлийг хүргүүлсэн байна.