Өчигдөр швейцарийн Женев хотноо эхэлсэн НҮБ-ын Хүний эрхийн хорооны ээлжит чуулганд Монгол Улс хүний эрхийн талаарх тайлангаа тавина. Энэ сарын 28 хүртэл үргэлжлэх энэ удаагийн чуулганд Швейцар, Лихтенштейн, Гондурас, Свазиленд, Мадагаскар,  Пакистан улсууд бас өөрийн улс оронд хүний эрхийг хэрхэн хангаж байгаа талаар тайлагнах юм байна.

Олон улсын Хүний иргэний болон улстөрийн эрхийн талаарх пактыг хэрэгжүүлэхэд хяналт тавиах зорилготой энэ хороо 18 шинжээчтэй ажиллаж пактад нэгдсэн орнуудад хзний иргэний болон улс төрийн эрхийг хангах талаар ямар ажил зохион байгуулж, ямар дэвшил гарч байгааг ээлж дараатайгаар, үе шаттай авч хэлэлцдэг юм.

1966 онд НҮБ-ын Ерөнхий Ассамблейд өргөн барьсан ч 10 жилийн дараа л баталсан энэ пактад өнөөдөр 167 улс орон нэгдээд байгаа юм байна.