Монгол Улсын Засгийн газрыг огцруулах эсэх, Шадар сайд У.Хүрэлсүхийн албан тушаалаа өгөх өргөдлийн тухай хэлэлцсэн УИХ дахь МАН-ын бүлгийн хурал өчигдөр орой болтол хуралдаад нэгдсэн шийдэлд хүрэлгүй тарсан байна.
Хуралд оролцсон 50 орчим гишүүн  нэг нэгээрээ байр сууриа илэрхийлж, хурал сунжран цаг орой болсон тул хурлаа завсарлуулахаар болжээ.
Ингэснээр бүлгийн хуралдаанаа өнөөдөр үргэлжлүүлэн хралдаж шийдвэр гаргахаар тавьж хоножээ.
Хуралдааны дундуур УИХ-ын гишүүн Ц.Нямдорж уурсан  “Засгийн газрыг огцруулах бичгийг аваар ир” хэмээн гарын үсэг зурсныг  УИХ-ын гишүүн Т.Аюурсайхан твитертээ жиргэжээ. Үүн дээр нэмэгдэж гарын үсэг зурах гишүүн гараагүй аж.

Үг хэлсэн гишүүд “Засгийн газраа тогтвортой байлгах нь зүйтэй. Ингэж байж ажлаа хийхийг шахаж, шаардмаар байна” гэдэг санал гаргажээ.
Мөн Шадар сайд У.Хүрэлсүхийг тагнасан гэх асуудалд хөндлөнгийн хүмүүс оролцсон байх магадлалтай гэх таамаглал дэвшүүлсэн байна. Хэрэв энэ ажиллагаанд хөндлөнгийн хүмүүс, улс төрийн нам оролцсон байвал хариуцлага хүлээлгэх ёстой гэсэн санал гаргажээ.

Тиймээс МАН-ын Их хурлаар намын даргаа сонгох нь зүйтэй. Дараагийн дарга хэн болохоос их зүйл хамаарна гэх мэт санал гарсан байна.
Уг нь өнөөдөр УИХ-ын Төрийн байгууллалтын байнгын хороо хуралдаж, Ж.Эрдэнэбатын Засгийн газрыг огцруулах эсэх асуудлаар санал дүгнэлтээ гаргана гэж байсан юм.